07:44:00 08.04.2026
Այս դարում ամենևին բավական չէ լինել պարզապես զինվոր․ հարկավոր է լինել քաղաքական զինվոր։ Զինվորը զենքը ձեռքին պաշտպանում է Հայրենիքի սահմանները։ Նրա առաքելությունը հայրենի հողի պաշտպանությունն է։ Քաղաքական զինվորը նույնպես պատրաստ է զենքով պաշտպանել իր երկիրը, երբ դրա ժամանակը գա և դրա անհրաժեշտությունը լինի։ Բայց նա գիտակցում է, որ ազգերի միջև պայքարը մղվում է ոչ միայն ռազմի դաշտում, այլ նաև տեղեկատվական, գաղափարական և հոգևոր դաշտերում։
Քաղաքական զինվորը պայքարում է միաժամանակ երկու ճակատում՝ հրացանով, երբ վտանգված է Հայրենիքը, և ճշմարիտ խոսքով, վեհ գաղափարներով ու անկոտում կամքով՝ երբ վտանգված են ազգի ինքնությունն ու ապագան։ Եթե զինվորը պաշտպանում է ազգին ֆիզիկական վտանգներից, ապա քաղաքական զինվորը նաև պաշտպանում է նրա ոգին և ճակատագիրը։
Մեր շարժման այս համազգեստն էլ հենց այս նոր դարաշրջանի համար հայ քաղաքական զինվորի համազգեստն է։
Մենք ոչ միայն կյանքի ենք կոչում հայ ազգայնականությունը 21-րդ դարում, այլև մեր ապագա սերունդների համար դնում ենք նոր հայ ազգային քաղաքական Օրդենի հիմքը։
Մեկ Ազգ, Մեկ Պետություն, Մեկ Կամք
Փա՛ռք Հայքին ու Հաղթանակին
#Այս_Անգամ_Աշխարհը
Բաժանորդագրվեք և ստացեք նորություններ ձեր Էլեկտորոնային հասցեին։
Մեկնաբանություններ