07:40:00 10.03.2026
Տասնյոթ տարեկան էի, երբ սկսեցի ինքնուրույն սովորել հայերեն գրել ու կարդալ, քանի որ երբեք հայկական դպրոց չեմ գնացել։ Գնում էի Գլենդել, Կալիֆորնիայի հայկական գրախանութներ, դպրոցական գրքեր էի գնում և բառիս բուն իմաստով զրոյից սովորում։ Մի քանի ամիս անց արդեն կարողանում էի կարդալ սովորական գրքեր, և առաջին գրքերից մեկը, որ կարդացի, Նժդեհի «Հատընտիր»-ն էր (բարակ տարբերակը)։ Հետագա տարիներին նաև մաս-մաս կարդացել եմ Նժդեհի գրածները, խորապես ընդունել նրա գաղափարները և փորձել հնարավորինս կիրառել դրանք իմ կյանքում։
Վերջերս, սակայն, ավարտեցի Նժդեհի հաստ «Հատընտիր»-ը, և այսօր կարող եմ շատ պարզ մի բան ասել․ աշխարհում կա երկու տեսակի հայ՝ նա, ով կարդացել է Նժդեհի «Հատընտիր»-ը, և նա, ով չի կարդացել։
Բաժանորդագրվեք և ստացեք նորություններ ձեր Էլեկտորոնային հասցեին։
Մեկնաբանություններ