11:44:00 22.11.2025
Մարտարվեստ առանց կանոնների սպորտում Հայաստանը ներկայացնող Արման Ծառուկյանը վաղը կկռվի Նոր Զելանդացու Դեն Հուքերի հետ, սակայն շատ հայեր այս մարդուն դադարել են աջակցել շատ օբյեկտիվ ու արդար պատճառներով: Ահա մի քանի կարևոր փաստեր այս «հայկական» ատլետի մասին՝
Այս տարվա հունվարի 18-ին Կալիֆորնիայում նա պետք է գոտու համար կռվեր չեմպիոն Իսլամ Մախաչևի հետ, բայց իբր նախապատրաստման ընթացքում վիրավորվելու պատճառով չեղարկեց իր մասնակցությունը, և նրա փոխարեն ուրիշը կռվեց Մախաչևի հետ: Սակայն հազարավոր հայեր հազարավոր դոլարներ էին ծախսել տոմսերի վրա, որպեսզի անձամբ հանդիսատես լինեին այդ կռվին ու աջակցեին նրան, բայց Ծառուկյանը նրանցից ոչ մի ներողություն չխնդրեց, ոչ էլ փորձել է ինչ-որ ուրիշ ձևով փոխհատուցել իր հայրենակից երկրպագուներին:
Դրա փոխարեն նա շարունակում է հայ երեխաներից գումար ուզել իր ստորագրությունների դիմաց: Նույն ամսում նա նաև տեսանյութ է պատրաստել Վրաստանում, որտեղ իր մեքենան անցնում էր Բաքվի պարզ գովազդներից մեկի կողքը, և երբ նրա առցանց հետևորդները բողոքել են, նա ոչինչ չի արել ու չի ջնջել այդ տեսանյութը կամ այդ մասը չի մոնտաժել:
Մի քանի օր առաջ հարցազրուցավարը նրան հարցրել է, թե նա կընտրի կռվել Վաշինգտոնում, Մոսկվայում, թե Երևանում, և նա առանց վարանելու պատասխանել է՝ Մոսկվա: Չմոռանանք նաև, որ նա 7 տարի առաջ հպարտորեն նկարվել է Պուտինի հետ:
Հերիք չէ, որ մեր դերասանների, երգիչների, «մտավորականների» ու քաղաքական մարմնավաճառների ճնշող մեծամասնությունը փողին մեռած ռուսաստրուկ սրիկաներ են, այլ պարզվում է, որ մեր մարզիկների մեծ մասն էլ, ցավոք, այդպիսին է: Նյութապաշտությունն ու ռուսոֆիլիզմը հիվանդություն է, որը վարակել է մեր հասարակության բոլոր ոլորտները:
Հուսով եմ, որ նա կպարտվի վաղվա կռվում և դադարի Հայաստանին ներկայացնել, քանի որ նա նույնիսկ իր երազներում իրավունք չունի Հայաստանին ներկայացնելու:
Բաժանորդագրվեք և ստացեք նորություններ ձեր Էլեկտորոնային հասցեին։
Մեկնաբանություններ