Քանի որ գերբի հարցը հիմա շոշափվում է..

02:00:00 26.06.2023

Քանի որ գերբի հարցը հիմա շոշափվում է, կուզեմ ասել, թե որն է իմ հիմնական բողոքը դրա վերաբերյալ։ Շատերը ասում են, որ լիքը բացթողումներ ունի ներկայիս զինանշանը, ինչպես օրինակ շղթայված թուրը և առյուծի ու արծիվի փակ բերանները։ Սակայն չեմ լսել մեկը այն խնդիրը նշի, որ վահանի վրա ներկայացված են հայոց պատմության միայն 4 թագավորական տոհմերը՝ Արտաշեսյանների, Արշակունիների, Բագրատունիների, և Ռուբինյանների (Կիլիկյան թագավորություն)՝ մոռանալով կամ դիտմամբ անտեսելով այդ բոլորին նախորդած գուցև ամենակարևոր թագավորական տոհմերը՝ Երվանդուիները, Վանի-Արարատյան-Նաիրի («Ուրարտու») թագավորությունը և դրանից առաջ շումերական սեպագրերում հիշատակված Արատտա և Հայասա հայկական պետությունները։

Դրանք չնշելով առնվազն մի քանի հազար տարով կրճատում ենք մեր ազգի պատմությունը, ընդ որում ամենակարևոր հատվածը, քանի որ այդ ժամանակներում ենք մենք եղել մեր հզորության գագաթնակետին և հիմնադրել քաղաքակրթությունը, որից հետո աշխարհի տարբեր անկյուններ արշավանքներ ենք նախաձեռնել՝ տարածելով մեր հին հայ-արիական վեհ մշակույթը։ Հայոց պատմության կեղծարարն են անընդհատ պնդում, որ հայոց պատմությունը ունի առավելագույնը 3000 տարվա պատմություն, և մենք զինանշանի վրա նման վահան օգտագործելով հաստատում ենք նրանց ասածները և ջուր ենք լցնում նրանց ջրաղացին։ Սա կարծում եմ զինանշանի հետ կապված ամենամեծ դավադրությունն է, որի մասին չեմ լսել ուրիշ մեկը խոսի։