12:31:00 14.05.2026
Մեր շարժումը բազմիցս վստահորեն պնդել է, որ Ռուսաստանի Դաշնությունը տրոհվելու է տարբեր մարզերի, ինչպես Խորհրդային Միությունը տրոհվեց տարբեր հանրապետությունների՝ ԽՍՀՄ-ի փլուզումից հետո։ Սակայն վիճակը Ռուսաստանում այնքան է վատթարանում, որ արդեն նույնը սկսում են ասել նաև հայտնի ռուս վերլուծաբանները, ինչպես օրինակ Իլյա Ռեմեսլոն, ով ռուս իրավաբան, քաղաքական մեկնաբան և պրոկրեմլյան բլոգեր է, որը հայտնի դարձավ 2010-ականների վերջում՝ ռուս ընդդիմադիր գործիչների, հատկապես Ալեքսեյ Նավալնիի դեմ ագրեսիվ արշավներով։ Նա սերտորեն համագործակցում էր իշխանամետ մեդիայի հետ և մասնակցում էր Կրեմլի քննադատների դեմ իրավական և տեղեկատվական արշավների։
Տարիներ շարունակ նա համարվում էր Կրեմլին և Վլադիմիր Պուտինին խիստ հավատարիմ գործիչ։ Ռուսական ընդդիմադիր մեդիան և վերլուծաբանները նրան հաճախ նկարագրում էին որպես «Z-բլոգերների» կամ քարոզչական համակարգի մաս, որը պաշտպանում էր ռուսական իշխանություններին և հարձակվում ընդդիմախոսների վրա։
Վերջերս նրան միջազգային ճանաչում բերեց նրա կտրուկ շրջադարձը 2026 թվականին։ Նա հրապարակայնորեն դատապարտեց Պուտինին, Ուկրաինայի պատերազմը անվանեց ձախողում և հայտարարեց, որ Պուտինը պետք է հրաժարական տա և կանգնի դատարանի առաջ՝ որպես «պատերազմական հանցագործ և գող»։ Դա շոկային էր թե՛ պրոկրեմլյան, թե՛ ընդդիմադիր շրջանակների համար, քանի որ նախկինում նա համարվում էր համակարգի ամենահավատարիմ հարձակվողներից մեկը։
Նա ասում է. «Ես այն տպավորությունն ունեմ, որ համակարգի մի մասը արդեն սկսել է գործել Պուտինի դեմ... Սա ըստ էության նման է նրան, ինչ տեղի ունեցավ Խորհրդային Միության վերջում, երբ մարդիկ ատում էին (կոմունիստական) կուսակցությունը և ամեն ինչ անում էին այն տապալելու համար։ Պուտինի Ռուսաստանը կգնա նույն ճանապարհով, ինչ Խորհրդային Միությունը։ Ամեն ինչ կրկնվում է»։
Այս գալիք փլուզումը հնարավորության պատուհան է բացելու մեզ հայերիս համար, և մենք պետք է պատրաստվենք դրան:
#Այս_Անգամ_Աշխարհը
Բաժանորդագրվեք և ստացեք նորություններ ձեր Էլեկտորոնային հասցեին։
Մեկնաբանություններ